Бас штаб комиссиясы Қызылорда гарнизонындағы бақылау тексерісін бақылады

Русский перевод этой статьи пока не опубликован. Ниже — оригинал на казахском языке.

Қазақстан Қарулы күштерінде бақылау тексерісі Мемлекет басшысының әскердің жауынгерлік қабілетін түбегейлі арттыру жөніндегі тапсырмасын іске асыру аясында жаңа пішінде өтуде,- деп хабарлайды Opennews.kz ақпарат агенттігі.
 
Қарулы күштер Бас штабы Жауынгерлік даярлық департаментінің бастығы генерал-майор Дәулет Оспанов Қызылорда гарнизонында жұмыс сапарымен болып, «Тереңөзек» оқу-жаттығу полигонында әскерлерінің бақылау тексерісін тапсыру барысын тексерді.

– Бақылау тексерісі әрбір әскери бөлімнің жауынгерлік қабілетін жан-жақты бағалауға, оның ішінде бөлімшелерді ұзақ қашықтыққа жеткізу дайындығын, командирлердің басшылық ету және өз бетінше шешім қабылдаудағы іскерлігін жан-жақты бағалауға, сондай-ақ жеке құрамның жауынгерлік іс-қимылдарды жүргізудегі машығын бағалауға мүмкіндік береді, – деді генерал-майор Дәулет Оспанов.

Әскерлердің арнайы операциялар кезінде заңсыз қарулы құралымдарға қарсы күрес жүргізуде басқа күштік құрылымдармен өзара іс-қимылды ұйымдастыру қабілетін тексеруге баса назар аударылды.
 
Қызылорда гарнизоны баспасөз қызметінің бастығы, лейтенант Мұхит Қонаров