Ана мен баланы әлеуметтік қолдауға 898 млрд теңге қарастырылды

1 июня 2022, 11:29

249

Русский перевод этой статьи пока не опубликован. Ниже — оригинал на казахском языке.

Биыл ана мен баланы әлеуметтік қолдауға 898 миллиард теңгеден астам қаражат қарастырылды деп хабарлайды Opennews.kz ақпарат агенттігі Еңбек және халықты әлеуметтік қорғау министрлігіне сілтеме жасап.

Балалы отбасылардың құқығын және олардың заңды мүддесін қорғау – мемлекет саясатының басты бағыттарының бірі. Қазіргі таңда 1,6 миллион балалы отбасы әлеуметтік төлем мен жәрдемақы алады. Ана мен баланы әлеуметтік қорғау көпдеңгейлі әлеуметтік көмек пен әлеуметтік сақтандыру жүйесі арқылы жүзеге асады.

«Жүйеге бюджеттен төленетін жәрдемақының 5 түрі мен Мемлекеттік әлеуметтік сақтандыру қорынан төленетін төлемнің 3 түрі кіреді. Биыл республикалық бюджеттен бұл мақсаттарға 537,1 миллиард теңге бөлінді. Бұл былтырмен салыстырғанда 13,3%-ға көп. Мемлекеттік әлеуметтік сақтандыру қорынан 361,3 миллиард теңге қарастырылған», – делінген хабарламада.