Балық аулап отырған 80 жастағы әйел Сырдарияға құлап кетті

Русский перевод этой статьи пока не опубликован. Ниже — оригинал на казахском языке.

Құтқарушылар балық аулап отырып, дарияға батып кете жаздаған 80 жастағы әйелді судан аман-есен алып шықты,- деп хабарлайды Opennews.kz ақпарат агенттігі turkystan.kz сайтына сілтеме жасап.

1942 жылы туған әйел дарияның жағасында балық аулап отырған. Әйелдің айтуынша, аяқ астында өсіп тұрған тікенді жұлып алып тастамақ болған сәтте дарияға құлап кеткен.

«Сол маңайда төтенше жағдайлар қызметінің мамандары оқу-жаттығу өткізіп жатқан. Облыстық төтенше жағдайлар қызметі жедел құтқару жасағының сүңгуір-құтқару бөлімшесінің бас құтқарушысы Бағдат Әлжанов пен бөлімше құтқарушысы Еркебұлан Оразбеков әйелдің дарияға құлап кеткенін байқап, көмекке ұмтылған. Құтқарушылар кейуананың өмірін сақтап қалды», – деді департамент өкілі.