Атырау облысында мыңнан астам қой тірідей өртеніп кетті

Русский перевод этой статьи пока не опубликован. Ниже — оригинал на казахском языке.

Ресейдің Астрахан облысынан шыққан өрт Атырау даласына жайылды, деп хабарлайды Ulysmedia.kz.

Қызыл жалын жазық дала бойымен тез тараған. Бір отар қойды өрістен айдап келе жатқан бақташы жануарларды құтқара алмаған. Тіпті, өзі үйіне әрең жетіпті.

Құрманғазы ауданының Төтенше жағдайлар департаменті құрғақ шөп өртенгенін хабарлады.  Тілсіз жауды сөндіруге 30 адам мен 4 техника жұмылдырылды. Сүйіндік және Жалғызапан ауылдарының тұрғындары да өртті ауыздықтауға барын салды.
1039 қой тірідей жанып кетті. Шығын көлемі есептелуде.