Қазақстанның басым бөлігінде әлі де ыстық ауа райы сақталады

Русский перевод этой статьи пока не опубликован. Ниже — оригинал на казахском языке.

Қазақстанның басым бөлігінде әлі де ыстық ауа райы сақталады, - деп хабарлайды Opennews.kz ақпарат агенттігі.

Түркістан, Қызылорда, Жамбыл, Жетісу, Алматы облыстарының басым бөлігінде, Атырау облысының оңтүстігінде, Ұлытау облысының оңтүстігінде және орталығында, Ақтөбе облысының оңтүстігінде, солтүстігінде, шығысында төтенше өрт қаупі болады.

Күндіз Жетісу, Жамбыл, Түркістан, Қызылорда, Ұлытау, Қостанай облыстарының басым бөлігінде, Қарағанды облысының оңтүстігінде, Алматы облысының тау бөктерінде қатты ыстық болады.

Күндіз Алматы облысының басым бөлігінде, Жамбыл облысының оңтүстігінде, Түркістан облысының батысында және шөлді аудандарында, Жетісу облысының шығысында өте қатты ыстық сақталады.