Қаз
Рус
Өз анасын аяусыз соққыға жыққан азаматқа қатысты үкім шықты
358
Русский перевод этой статьи пока не опубликован. Ниже — оригинал на казахском языке.
Алматы қаласында анасын аяусыз соққыға жыққан 50 жастағы ер адамға қатысты сот үкімі шықты, деп хабарлайды Opennews.kzақпарат агенттігі.
Алатау аудандық сотының үкіміне сәйкес, Смирнов Қылмыстық кодекстің 107-бабы (Денсаулыққа қасақана ауырлығы орташа зиян келтiру) бойынша кінәлі деп танылды. Ол 1 жыл 6 айға бас бостандығын шектеу жазасына кесілді. Оған қоса, 100 сағатқа қоғамдық жұмысқа тартылады.
"Сот жазаны тағайындау кезінде сотталушының өз кінәсін шын ниетпен мойындағанын ескерді. Сосын анасы бас бостандығынан айырмауды сұрады", – дейді сот мамандары.
Сот үкімі заңды күшіне енген жоқ.
Еске салайық, Алматыда өз анасын таяқпен тоқпақтаған ер адам ұсталғаны туралы хабарлаған едік.
