Елімізде 40 мың бос жұмыс орны бар

15 сентября 2022, 09:19

278

Русский перевод этой статьи пока не опубликован. Ниже — оригинал на казахском языке.

Қазақстанда жоғары білікті мамандарға сұраныс 2 есе артты, - деп хабарлайды Opennews.kz ақпарат агенттігі.

«Тамыз айының қорытындысы бойынша жұмыс берушілер тарапынан белсенділіктің өсуі байқалды, олардың басым бөлігі білім беру ұйымдарына қатысты. Бұл оқу жылының басталуына байланысты болды: білім беру саласындағы бос жұмыс орындарының саны шілдемен салыстырғанда 3 есеге артып, 34,2 мыңды құрады. Бұл ретте өткен жылдың сәйкес кезеңімен салыстырғанда мектепке дейінгі білім беру мұғалімдері мен мамандарына сұраныс 24%-ға өскенін айта кету керек», – деді «Еңбек ресурстарын дамыту орталығы» АҚ стратегия департаменті директорының орынбасары Ұлпан Шегенова.

Бос орындар саны бойынша екінші және үшінші орындарда құрылыс саласының және ауыл шаруашылығы кәсіпорындары бар.

Сондай-ақ, жоғары білікті мамандарға сұраныс 2 есеге өсіп, 40 мың бос жұмыс орнын немесе бос жұмыс орындарының жалпы санының үштен бірін құраған.

Ал жоғары білікті мамандар тарапынан ұсыныс 21,2 мыңнан 38,9 мыңға дейін өсті.