Қызылордада дрон арқылы жол ережелерін бұзудың 36 дерегі анықталды

Русский перевод этой статьи пока не опубликован. Ниже — оригинал на казахском языке.

Қызылорда облысында дрон арқылы жол қозғалысы ережелерін бұзудың 36 дерегі анықталды, – деп хабарлайды Opennews.kz ақпарат агенттігі.


Жол-көлік оқиғаларының алдын алу, жол қозғалысы ережелерін өрескел бұзушыларды анықтау мақсатында Қызылорда облысы ПД Арал ауданы Полиция бөлімінің қызметкерлері заманауи техникалық құралдарды пайдалана отырып  іс-шаралар жүргізуде.

Бүгінгі профилактикалық-рейдтік шара кезінде жол қозғалысы ережелерін бұзушыларды бақылау үшін дрон қолданылды. Арал қаласы аумағында профилактикалық рейд жүргізілді. Іс-шара барысында дронның көмегімен барлығы 36 жол қозғалысы ережелерін бұзу дерегі анықталды.



Жүргізушілерге қатысты ӘҚБтК-нің бірнеше баптары бойынша әкімшілік хаттамалар толтырылды. Осындай жұмыстар жүйелі негізде, оның ішінде жолдардың авариялық-қауіпті учаскелерінде де жалғасатын болады. Сондай-ақ жол қозғалысы ережелерін өрескел бұзушыларды анықтаудан басқа, Арал ауданының полицейлері автокөлік жүргізушілері арасында жол қозғалысы ережелерін қатаң сақтау қажеттілігі туралы түсіндіру жұмыстарын жүргізуде.