Қаз
Рус
Қуат Хамитов танымал ресейлік жекпе-жек шебері Александр Шлеменкоға қарсы шықпақ
Русский перевод этой статьи пока не опубликован. Ниже — оригинал на казахском языке.
Қазақстандық ММА шебері Қуат Хамитов танымал ресейлік файтер Александр Шлеменкомен кездеседі, - деп хабарлайды "Opennews.kz" ақпарат агенттігі Sports.kz басылымына сілтеме жасап.
«Ресми! Александр Шлеменко vs Қуат Хамитов. Бүгін, 20 тамызда Ресей ММА аңызы Александр Шлеменкомен айқас өткізу туралы Top Fight лигасының басшысы Марат Сидикеевпен келісімшарт жасалды. Турнир қашан, қайда өтетінін кейінірек білесіздер», - деп жазды Хамитов өзінің Instagram парақшасында.
Қуат Хамитов өзінің кейінгі жекпе-жегін мамырда өткізді: ол Алматыдағы Hardcore MMA лигасының турнирінде өнер көрсетіп, төрешілердің бірауыз шешімімен ресейлік Залимхан Юсуповтан (19-15) басым түсті. Александр Шлеменко кейінгі рет торға шілдеде кіріп, бірінші раундта бразилиялық Алекс Оливейраны (25-15-1) сабмишнмен жеңді.
