«Барыс» командасы бүгін «Салават Юлаев» командасымен кездеседі

Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Салават Юлаев» (Уфа) командасына қарсы өткізеді,- деп хабарлайды "Opennews.kz" ақпарат агенттігі.

Кездесу бүгін, 16 қаңтар күні, елорда уақытымен сағат 19:30-да басталып, «Qazsport» телеарнасынан тікелей эфирде көрсетіледі.

Екі команда бұған дейін 51 мәрте кездескен. Оның 26-ы елордалық клубтың басымдығымен аяқталса, қалғанында Ресейлік команда жеңіске жетті.

Турнир кестесінде «Барыс» 50 ойыннан кейін 40 ұпаймен 20-орында тұр. Ал, «Салават Юлаев» 50 ойыннан кейін 65 ұпаймен 11-орында келеді.

Елордалық клуб соңғы 10 ойынның алтауында қарсыластарына есе жіберді. Еске салсақ, бұдан бұрын «Барыс» қатарынан төртінші мәрте жеңіліп қалды.