Елена Рыбакина Берлинде үздік ойыншымен жолығады

Берлинде өтетін турнирде Елена Рыбакина алғашқы айналымда әлемдік рейтингтің көшін бастап тұрған теннисшімен ойнайды, - деп хабарлайды "Opennews.kz" ақпарат агенттігі.

Қазақстандық теннисші 17 маусым күні Германия астанасында өтетін жарыста алғашқы кездесуін өткізеді. Оның қарсыласы – WTA рейтингінде 4-орында тұрған Қытай спортшысы Чжэн Циньвэнь. Ал Рыбакина қазіргі таңда 11-сатыда орналасқан.

Турнир қарсаңында қос теннисшінің нәтижелері әртүрлі болды. Өткен аптада Рыбакина Лондонда өткен жарыста күтпеген жерден әлемнің 86-ракеткасы Татьяна Мариядан жеңіліп қалды. Ал Чжэн Циньвэнь осы жарыста жартылай финалға дейін жетіп, америкалық Аманда Анисимоваға есе жіберді.