Астанадағы Әлем кубогы: Назым Қызайбай өзбек қызын жарыс жолынан шығарды

Бокстан Астанада өтіп жатқан Әлем кубогында Назым Қызайбай кезекті жеңісіне қол жеткізіп, жартылай финалға шықты,- деп хабарлайды "Opennews.kz" ақпарат агенттігі.

Жақсылық Үшкемпіров атындағы Жекпе-жек сарайында Әлем кубогының үшінші жарыс күні басталды.

Рингке бірінші болып 3 дүркін әлем чемпионы, 48 келідегі Назым Қызайбай шықты. Ол ширек финалда Азия чемпионы, өзбекстандық Фарзона Фозиловамен кездесті.

Бірінші раунд тартысты өткенімен, қалған раундтарда Назым басымдық танытқан. Есеп: 5:0.

Айта кетейік, Астанадағы жарыста бүгін қазақстандық 9 боксшы шаршы алаңға шығады.