ӘЧ-2025: Тоғамбай мен Сабырхан ширек финалға жолдама алды

Қазақстандық боксшылар Сағындық Тоғамбай мен Төрехан Сабырхан Ұлыбританияның Ливерпуль қаласында өтіп жатқан әлем чемпионатының 1/8 финалында жеңіске жетті. Қос спортшы ширек финалға жолдама алды, - деп хабарлайды "Opennews.kz" ақпарат агенттігі.

Cағындық Тоғамбай 90 келіге дейінгі салмақта ел намысын қорғап жатыр. Отандасымыз 1/8 финалда ирландиялық Джек Марлимен жұдырықтасты. Қазақстандық боксшы алғашқы раундтан-ақ басымдық танытып, төрешілердің шешімі бойынша 4:1 есебімен жеңіске жетті.

70 келіге дейінгі салмақта сынға түскен Төрехан Сабырхан бұл кезеңде нидерландтық Финн Роберт Боспен қолғап түйістірді. Жекпе-жек аса тартысты өтті. Бірінші раундта нидерландтық боксшы жеңіп, кейін отандық боксшы басымдығын көрсетті. Шешуші раундта екі спортшы да белсенділік танытты. Жекпе-жек соңында төрешілер Төреханның жеңісін тіркеді.

Осылайша, Сағындық Тоғамбай мен Төрехан Сабырхан әлем чемпионатының жартылай финалына шығу үшін бақ сынайды.