Джиу-джитсу шебері Ислам ойындарының чемпионы атанды

Эр-Риядта өтіп жатқан Ислам ынтымақтастығы ойындарында Қазақстан құрамасы алтын медальмен қоржынын толықтырды,-деп хабарлайды Opennews.kz ақпарат агенттігі. 

Бұл жолы жеңіс тұғырының ең биік сатысына джиу-джитсудан сынға түскен Алдияр Серік көтерілді. 69 келіге дейінгі салмақ дәрежесінде өнер көрсеткен қазақстандық спортшы финалда сауд арабиялық Мохаммед Хураймиламен белдесіп, айқын басымдықпен жеңіске жетті. 

Жалпы жарыс барысында Қазақстан құрамасының еншісінде қазір 13 алтын медаль бар. Сонымен қатар, 94 келіге дейінгі салмақта өнер көрсеткен Рамазан Кусаинов күміс медаль иеленіп, ұлттық команданың жетістігін толықтырды.