Қаз
Рус
Қызылордада қазақ күресінен жастар арасындағы аға жаттықтырушы тағайындалды
2 516
Русский перевод этой статьи пока не опубликован. Ниже — оригинал на казахском языке.
Қызылорда облыстық дене шынықтыру, спорт және туризм басқармасының басшысы Бақтияр Артаевтың бұйрығымен Нұрым Сәлімгереев қазақ күресінен Қызылорда облысының жастар арасындағы аға жаттықтырушысы болып тағайындалған,- деп хабарлайды Оpennews.kz ақпарат агенттігі.
Нұрым Сәлімгерейұлы – қазақ күресінен халықаралық дәрежедегі спорт шебері. Қазақ күресінен әлем кубогының иегері, «Еуразия барысы» және 5 дүркін «Сыр барысы» атағына ие болған. Бұған дейін басқармаға қарасты теннис спорт мектебі директорының орынбасары қызметін атқарған.
Нұрым бұдан былай жастар арасында қазақ күресін дамытуға және спортшылардың тұрақты түрде халықаралық және республикалық додаларға қатысуына, сондай-ақ спортшылардың жалпы нәтижесіне жауапты болады, - делінген хабарламада.
