Көкпардан әлем чемпионаты: жартылай финалға шыққан командалар анықталды

Түркістан қаласында өтіп жатқан көкпардан әлем чемпионатының жартылай финалға жолдама алған командалар белгілі болды,-деп хабарлайды Оpennews.kz ақпарат агенттігі.

А тобында үш ойында да жеңіске жетіп, 27 сауын салған Қазақстан құрамасы көш бастаған Ал Өзбекстан құрамасы екінші орынмен жартылай финалға шыққан.

В тобында қарсыластарына бірде-бір салым салдырмаған Ауғанстан құрамасы көш бастаса, Ресей құрамасы екінші орынмен үздік төрттік қатарына қосылған.

Ертең 20- шы наурызда Түркістан атшабарында жартылай финалдық ойындар өтеді. 21- ші  наурызда жүлделі орындар сарапқа салынып, жеңімпаздар анықталады.

Дүниежүзілік Көкпар қауымдастығы, ҚР Көкпар федерациясы, Ұлттық және ат спорты орталығы және Түркістан облысы әкімдігінің ұйымдастыруымен өтіп жатқан айтулы жарысқа 9 елдің құрама командалар қатысып жатыр. Олар: Ауғанстан, Қытай, Мажарстан, Моңғолия, Ресей Федерациясы, Тәжікстан, Өзбекстан, Түркия және Қазақстан.