Журналистер мәдениет және ақпарат министрлігін сотқа берді
1 155
Бір топ журналист мәдениет және ақпарат министрлігін сотқа берді, - деп хабарлайды "Opennews.kz" ақпарат агенттігі.
«Әділ сөз» сөз бостандығын қорғау халықаралық қорының мәліметінше Астананың ауданаралық азаматтық сотына журналистер мәдениет және ақпарат министрлігінің үстінен шағым түсірді.
«7 қазанда Астана қаласының Азаматтық істер жөніндегі ауданаралық соты «Журналистерді аккредитациялаудың үлгілік ережесін» бекіту туралы жаңа бұйрықтың ережелеріне қарсылық білдіріп, тоғыз қазақстандық журналистің Мәдениет және ақпарат министрлігіне қарсы топтық талап арызын қабылдады. Бұл нормативтік құқықтық акт, талапкерлердің пікірінше, олардың сөз бостандығына және ақпарат таратуға конституциялық құқықтарын өрескел бұзады», - делінген хабарламада.
Негізгі мәселе – аккредиттелген журналистердің мемлекеттік органдардан алынған ақпаратты журналистті аккредиттегеннен басқа кез келген басқа БАҚ арқылы таратуына тыйым салатын тармақ.
«Егер бұл шарт екі рет бұзылса, журналист алты айға дейін аккредитациядан айырылуы мүмкін. Бұл талап, талапкердің пікірінше, Конституциясының 20, 39-баптарына және «БАҚ туралы» заңыға қайшы келеді, олардың ақпаратты еркін алу және таратуға конституциялық құқығын шектейді», - делінген хабарламада.
