3 келіден артық картоп сатуға шектеу қойылды
1 257
Ақтауда 3 келіден артық картоп сатуға тыйым салынды, - деп хабарлайды "Opennews.kz" ақпарат агенттігі.
Облыс әкімі аппаратының баспасөз қызметі хабарлағандай, бұл шешім өнімнің барлық тұрғындарға қолжетімділігін қамтамасыз ету мақсатында қабылданған екен.
Келісімге сәйкес, әлеуметтік маңызы бар көкөніс өнімдері Атырау қаласының 11 супермаркетінде, 3 базарында және 6 сауда павильонында сатылады. Қазіргі уақытта стабилизациялық қор қоймаларында 200 тонна картоп сақталуда, бұл қаңтар айының соңына дейін жетуі керек екен. Сауда орындарында 1 келі картоптың бағасы - 180 теңге.
«Көктемгі кезеңге 680 тонна ауыл шаруашылығы өнімі жеткізілуі керек. Осы үшін жергілікті ауыл шаруашылығы өнімдерін өндірушілермен қосымша келісім-шарттар жасалған. Стабилизациялық қордан сатылатын картоп нарық бағасынан айтарлықтай төмен бағамен сатылады. Алайда қайта сату және асыра бағалау бойынша спекуляцияларды болдырмау үшін бір адамға 3 келіден артық картоп сатылмайды. Бұл шара өнімнің барлық тұрғындар үшін қолжетімді болуын қамтамасыз етуге бағытталған», - деп түсіндірді баспасөз қызметі.
Айта кету керек, қаладағы басқа базарларда және дүкендерде 1 келі картоп 300-350 теңгеден сатылып жатыр.
