Қаз
Рус
Қызды ұрып-соғып, желіге салған жігітке қылмыстық іс қозғалды
1 524
Атырау облысында қызды ұрып-соғып әлеуметтік желіде жариялаған жігітке қатысты қылмыстық іс қозғалды,- деп хабарлайды Opennews.kz ақпараттық агенттігі sputnik.kz сайтына сілтеме жасап.
Оның үстінен "азаптау" бабы бойынша қылмыстық іс қозғалды. Әлеуметтік желіде ер адам беті-аузы көгерген бойжеткенді мәжбүрлеп сөйлеткені туралы видео тараған. Жәбір көрген қыздың жасы 19-да, бейнежазбада оның бет-аузының жарақаты анық көрінген. Атырау облысының полиция департаменті Қылмыстық Кодекстің "азаптау" бабы бойынша қылмыстық іс қозғалған. Ер адам 30 тәулікке қамауға алынған.
"Атырау қаласының әкімшілік құқық бұзушылықтар жөніндегі мамандандырылған сотында осы адамға қатысты іс қаралды. Ол "ұсақ бұзақылық" және "алкогольдік ішімдіктер ішу немесе қоғамдық орындарда мас күйде болу" бойынша кінәлі деп танылды", - дейді полиция.
