Қызғалдақтарды жұлғандарға 13 миллион теңгеге дейін айыппұл салынады

Гүлдену кезеңінде жүздеген туристер фотоға түсіп, табиғи ортадан ләззат алады, дегенмен сарапшылар тіпті бір ғана қызғалдақты жұлу ауыр жазаға әкелуі мүмкін екенін ескертеді,- деп хабарлайды Opennews.kz ақпарат агенттігі Stan.kz сайтына сілтеме жасап.

Қазақстанда сирек кездесетін өсімдіктерді қорғау шаралары күшейтілді. Орман шаруашылығы және жануарлар дүниесі комитетінің мәліметі бойынша, сирек кездесетін гүлдерді жинауға ғана емес, оларды сақтау, тасымалдау және сату іс-әрекеттеріне де қатаң тыйым салынған.

Заңды бұзғандарға қарастырылған жаза шаралары:

3000 АЕК-ке дейін айыппұл (шамамен 13 миллион теңге);

Түзету жұмыстарына тарту;

Бас бостандығын уақытша шектеу;

Үш жылға дейін бас бостандығынан айыру.

Қазір Қызыл кітапқа енгізілген Кауфман және Грейг қызғалдақтары далада гүлдеп тұр. Сарапшылардың айтуынша, олардың гүлдену кезеңі тек 2,5 апта, және бұл кезең тозаңдану үшін аса маңызды.

Өңірде демалушылар мен туристерге түсіндіру жұмыстары жүргізіліп жатыр. Инспекторлар тұрғындардан табиғатты құрметтеуді, гүлдерді жинамауды және қоршаған ортаны қорғауды сұрап отыр. Мамандар табиғатқа жауапкершілікпен қараудың маңыздылығын ерекше атап өтіп, сирек кездесетін өсімдіктерді сақтау – болашақ ұрпаққа қалатын құнды қазына екенін ескертеді.