Билікті сынға алатын жаңақорғандық белсенді қамауға алынды

Әлеуметтік желіде Жаңақорған ауданының тұрғыны, қоғам белсендісі Қарасай-Қараш Жорабекұлы қыз зорлығы ісі бойынша қамауға алынды,- деп хабарлайды Opennews.kz ақпарат агенттігі.

Әлеуметтік желіде  қоғамда орын алып отырған түйіткілді мәселелелерді көтеріп, Жаңақорған ауданының жаңа әкімін сынға алған белсендіні құзырлы орган қызметкерінің кісендеп әкеткен бейне жазбасы қызу талқыға түсті. 

Бейнежазбада  «блогерді  отбасы бар әйелді зорлады деп, полиция бөліміне әкеле жатыр», -  дейді автор.

Аталмыш мәселені алғаш болып, тәуелсіз журналист Үйтолған Жареке өзінің парақшасына жариялаған болатын. 

Полиция департаменті қыз зорлау дерегімен тергеу жүргізіліп жатқандығын растады.

"Сотқа дейінгі тергеп-тексерудің бірыңғай тізіліміне" ҚР ҚК-нің 120-бабының 1-бөлігімен (зорлау) қылмыстық іс тіркеліп, жан — жақты толық және объективті тергеп — тексеру жұмыстары жүргізіліп жатыр",- деді.