«Қайсар» бапкері қызметінен кетті

 Қызылордалық «Қайсар» футбол клубының бас бапкері Андрей Ферапонтов қызметінен кетті, - деп хабарлайды Opennews.kz ақпараттық агенттігі.

 Ресейлік маман бұл шешімді Қазақстан Премьер-лигасының кезекті турында өз алаңында Көкшетаудың «Оқжетпесіне» қарсы өткен кездесуден кейін қабылдаған. Қызылордалықтар тартысты ойында 2:3 есебімен жеңіліп қалды.

 Айта кетейік, Андрей Ферапонтов «Қайсарды» Қазақстан кубогының финалына шығарып, команда үшін маңызды нәтижеге қол жеткізген болатын. Ал клубтың келесі бас бапкері кім болатыны, «Қайсарды» финалға кім дайындайтыны әзірге белгісіз.