Вакцина бала көтеруге кедергі келтіре ме
299
Елордадағы қоғамдық денсаулық сақтау басқармасының басшысы Тимур Мұратов вакцина бала көтеруге кедергі келтіре ме деген көптің көкейіндегі сауалға жауап берді.
Тимур Мұратовтың айтуынша, вакцинадан кейін бала көтере алмайсың деген қауесетте қисын жоқ.
Оның сөзіне сенсек, екпе салу мен жүкті болудың арасында байланыс болуы мүмкін емес. Сол себепті, маман қала тұрғындарына вакцина салдыруға кеңес берді.
Әсіресе, пәтер мен көлік ұтысқа қойылғаннан кейін екпе алуға ағылғандар саны күрт артқан екен. Соның арқасында 210 мың адам вакцинаның бірінші компонентін алып үлгерген.
