Қазақстанда қандай дәрілер өндіретіні белгілі болды
2 571
Денсаулық сақтау министрлігі «AstraZeneca» фармацевтикалық компаниясымен бірлескен жобалардың егжей-тегжейін айтты, - деп хабарлайды "Opennews.kz" ақпарат агенттігі Kazinform сайтына сілтеме жасап.
«2023 жылдың 7 ақпанында «AstraZeneca» халықаралық биофармацевтикалық компаниясымен Қазақстан аумағында дәрі өндірісін ұйымдастыру үшін технологияны табыстау туралы келісімшарт жасалған. Бұл Қазақстанның фармацевтикалық индустриясын дамытуға мүмкіндік береді. Бұл өз кезегінде халыққа инновациялық дәрі-дәрмектің қолжетімділігін арттырады», - делінген жауапта.
Министрліктің мәліметі бойынша, «AstraZeneca» компаниясы Қазақстан аумағында мынандай дәрі-дәрмектің өндірісін ұйымдастырмақ:
• Forxiga Tablets 10mg – қант диабеті, созылмалы жүрек ауруы, бүйректің созылмалы ауруы;
• Calquence Caps 100mg – созылмалы лимфолейкоз, мантия жасушасының лимфомасы;
• Lynparza 150mg – аналық бездің қатерлі ісігі, сүт безінің қатерлігі ісігі, простата обыры, ұйқы безінің қатерлі ісігі;
• Tagrisso Tablets 80mg – өкпенің қатерлі ісігі.
