Қазақстанда бір тәулікте КВИ мен пневмония 110 адамның өмірін жалмады

Денсаулық сақтау министрлігі коронавирус туралы соңғы мәліметтерді ұсынды.

Ведомство бір тәулікте КВИ-дан 86 адам, коронавирус пневмониясынан 24 адам қайтыс болғанын мәлімдеді. 

27 шілдедегі жағдай бойынша, 87 094 адам коронавирус инфекциясынан (–85 163 + және 1931 КВИ-) емделуде, олардың ішінде 24 328 пациент стационарда, 62 766 науқас амбулаториялық деңгейде ем қабылдауда.
 КВИ+, КВИ- шалдыққандардың арасында:

 1461 адамның жағдайы ауыр, 

306 пациенттің жағдайы өте ауыр, 

182 науқас өкпені жасанды желдету аппаратында жатыр. 

Елімізде өткен тәулікте коронавирус жұқтырған тағы 6797 адам тіркелген. Осылайша, қазіргі уақытта Қазақстанда COVID-19 инфекциясы анықталғандар саны 542 703-ке жетіп отыр.
27 шілдедегі жағдай бойынша, Нұр-Сұлтан қаласы, Алматы қаласы, Шымкент қаласы, Алматы облысы, Ақмола облысы, Ақтөбе облысы, Атырау облысы, Батыс Қазақстан облысы, Жамбыл облысы, Қарағанды облысы, Қостанай облысы, Қызылорда облысы, Маңғыстау облысы, Шығыс Қазақстан облысы, Павлодар облысы және Солтүстік Қазақстан облысы "қызыл" аймақта тұр. 

"Сары" аймақта Түркістан облысы орналасқан.