1 мамырдан бастап жедел жәрдемнің жұмыс тәртібі өзгереді

Денсаулық сақтау министрлігі 1 мамырдан бастап мобилдік бригадалардың жұмыс тәртібі өзгеретінін хабарлады, - деп хабарлайды "Opennews.kz" ақпарат агенттігі. 

Десе де жедел жәрдем қалыпты режимде жұмыс жасай беретіні айтылды. Ведомствоның мәліметінше, мұндай өзгерістер жедел жәрдемнің келуін ұзақ күту бойынша шағымдарға байланысты жүзеге асырылмақ.  Әрі шұғыл қызмет жұмысының тиімділігін арттыру мақсатында емханалар жанындағы жеделділіктің 4-санатындағы шақыртуларға қызмет көрсететін мобилдік бригадалар жұмысының қағидаларына өзгерістер енгізіп отыр. 

Сонымен, 1 мамырдан бастап не өзгереді:

● емханалардың жанындағы мобилдік бригадалар жұмыс уақытында — 8:00–ден 20:00–ге дейін жұмыс істейтін болады;

● өмірге қауіп төндірмейтін жеделдіктің 4-санатындағы шақыртулар (мысалы, жоғары қысым, температура, жеңіл жарақаттар) емханалардың жұмыс уақытында МСАК мобилдік бригадаларына қайта бағытталатын болады;

● 20: 00-ден кейін және демалыс күндері барлық шақыртуларға, соның ішінде 4-санатқа, бұрынғыдай, жедел жәрдем бригадалары қызмет көрсетеді.