Сәби өлімі 20%-ға азайды: Денсаулық сақтау жүйесінде серпін бар
3 480
Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында көрсетілген тапсырмалар аясында еліміздің денсаулық сақтау саласы кешенді түрде жаңғыртылуда,- деп хабарлайды "Opennews.kz" ақпараттық агенттігі.
Медициналық қызмет сапасын жақсарту, инфрақұрылымды нығайту, мамандардың біліктілігін арттыру және цифрлық технологияларды енгізу – жаңғырту жұмыстарының негізгі бағыты болып отыр.
Жүргізілген шаралардың нәтижесінде биыл халық денсаулығының негізгі көрсеткіштері айтарлықтай жақсарды. Жалпы өлім-жітім деңгейі 2,7%-ға төмендесе, сәби өлімі өткен жылмен салыстырғанда 20,2%-ға азайды. Бұл – атқарылған жұмыстардың тиімділігін дәлелдейтін маңызды көрсеткіш.
