Елде тағамнан улану екі есеге артты

Жыл басынан бері 400-ден астам адам астан уланды,- деп хабарлайды Opennews.kz ақпараттық агенттігі.

2025 жылы елімізде тағамнан жаппай уланудың 28 дерегі тіркеліп, 413 адам зардап шеккен. Бұл көрсеткіш өткен жылмен салыстырғанда екі есе көп.

Денсаулық сақтау министрлігінің мәліметінше, уланудың басты себебі — өнімді сақтау, дайындау және сату кезінде санитарлық талаптардың дұрыс сақталмауы. Кей жағдайларда медициналық тексеруден өтпеген қызметкерлердің бактерия тасымалдаушы екені анықталған. Айта кетейік, биыл жеміс-жидек пен қауын-қарбыздан улану деректері тіркелмеген.