18% тұрғын МӘМС жүйесіне қатыспайды

2025 жылдың соңына қарай Қазақстанда 3,5 миллионға жуық адам (17,9%) міндетті әлеуметтік медициналық сақтандыруға (МӘМС) қосылмаған. Оның ішінде 1 миллионы (D) және (E) деңгейдегі азаматтар,- деп хабарлайды Opennews.kz ақпарат агенттігі.

2026 жылдан бастап Ақмола облысы мен Астана қаласында D және E санатындағы осал топтарды МӘМС аясында медициналық қызмет алу үшін әкімдіктердің жарналары арқылы қамту бойынша пилоттық жоба іске қосылады. Жүйеге қосылғандар медициналық көмек алған жағдайда ғана жарна төленеді.

Сондай-ақ, ресми тіркелген жұмыссыздардың жарналары енді жергілікті атқарушы органдар есебінен төленеді. Жаңа механизм 2026 жылы МӘМС жүйесіне шамамен 45,3 млрд теңге тартуға мүмкіндік береді.