Қазақстандықтар Pfizer вакцинасын ақылы түрде салдыра алады
248
Премьер-министр Асқар Мамин ақылы түрде екпе салдыру ұсынысын қолдады, - деп хабарлайды Opennews.kz ақпарат агенттігі Tengrinews.kz сайтына сілтеме жасап.Денсаулық сақтау министрі Алексей Цой Қазақстанға 379 мың доза Pfizer вакцинасының алғашқы партиясы жеткізілгенін еске салды. Оның айтуынша, екінші партияны 20 қарашаға дейін жеткізу жоспарланған.
"Ведомствоаралық комиссия тапсырмасына сәйкес, Comirnaty (Pfizer) вакцинасын халықтың қалауы бойынша ақылы негізде вакцинациялау бойынша коммерциялық нарықта өткізу мүмкіндігі туралы Үкімет Қаулысының жобасы әзірленді", - деді Цой Үкімет отырысында.
ҚР премьер-министрі Асқар Мамин министр мен ВАК ұсынысын қолдады.
"Мен коммерциялық сегментке вакцина жеткізу мүмкіндігі туралы ұсынысты қолдаймын, осылайша тілек білдірушілер өздеріне қажетті вакцинаны ақылы түрде ала алады", - деді Мамин.
