Қытайда коронавирустан 60 мың адам қайтыс болған

Қытайда кейінгі айда коронавирустан 60 мың адам қайтыс болған, - деп хабарлайды "Opennews.kz" ақпарат агенттігі.

Бұл туралы Қытайдың Денсаулық сақтау министрлігі мәлімдеген болатын. Қайтыс болғандардың 90 пайызы  65-тен асқан қарт кісі екендігі аталып өтті.

Қараша айында Қытайда жаппай шектеуге наразылық басталып, желтоқсанда оның көбі алынып тасталды. Соның салдарынан елде індеттің таралуы қайта күшіне енді.
Бірақ өткен аптада жергілікті билік шектеулерді тағы жеңілдетіп, шетелдіктерге қатысты карантин шараларын жойды.