RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Денсаулық
31

Бес бала хлормен уланып, ауруханаға түсті

Павлодар облысында саунаға түскен 5 бала мен 4 ересек адам судағы хлордан уланып, ауруханаға жеткізілді,- деп хабарлайды "Opennews.kz" ақпарат агенттігі. 

 Ақсу қаласындағы саунада үш отбасы жиналып, туған күнін атап өткен. Мерекеге жиналғандар бассейнге шомылып, ондағы шамадан тыс хлордан уланып қалған. Тоғыз адамға, оның ішінде бес балаға медициналық көмек қажет болыпты.


Дәрігерлер тексергеннен кейін үш жасөспірім ауруханаға жатқызылды. Олардың бірі - 3-сынып оқушысы, екіншісі - 1-сынып оқушысы, ал  үшіншісі - 14 жастағы Германия азаматы.

“Балалар жеңіл уланған. Зардап шеккендердің жағдайы тұрақты, олар ауруханадан шығуға дайындалып жатыр”, - деп мәлімдеді Төтенше жағдайлар департаментінің баспасөз хатшысы.

Сондай-ақ бес жасар қыз бала мен төрт ересек адам жеңіл дәрежеде уланған. Тағы бір 9 жасар қыздың көзінің айналасын күйік шалған.