Тоқаев журналистерге қастандық жасаған тапсырыс берушілерді табуды тапсырды

Президент Қасым-Жомарт Тоқаев құқық қорғау органдарына журналистерге қарсы бағытталған бірқатар қылмыс бойынша мұқият тергеу жүргізуді тапсырды,- деп хабарлайды "Opennews.kz" ақпарат агенттігі. 

Мемлекет басшысының баспасөз хатшысы Руслан Желдібай Facebook парақшасына жариялаған болатын. Президентіміздің айтуынша, ол қоғамдық қауіпсіздік пен мемлекеттің беделіне нұқсан келтіру үшін жасалған дүние. 

Естеріңізге салсақ, 14 қаңтарда Алматыда журналист Динара Егеубаеваның көлігі өртенген. Араға бірнеше күн салып, журналист Вадим Борейконың пәтерінің есігіне белгісіз біреулер монтаждау көбігін құйып, YouTube-арнасының атауын жазып кеткені хабарланды. Екі оқиғаны да журналистік қызметіне байланысты жасалған қастандық деп топшылануда.