Түркия елшілігі Қазақстан халқына үндеу жасады

Түркияның Қазақстандағы елшілігі қазақстандықтарға үндеу жолдады, деп хабарлайды Opennews.kz ақпарат агенттігі. 





Елшілік Түркияның оңтүстік-шығысындағы жер сілкінісінен зардап шеккендерге қажетті заттардың тізімін атады.

Жер сілкінісінен кейінгі бірінші кезектегі қажеттіліктер мен логистикалық мүмкіндіктерге байланысты, біздің елшілікке / Бас консулдыққа көрсетілетін көмек тек төменде келтірілген материалдармен шектелсе деген өтінішіміз бар, – делінген хабарламада.

Түркиядағы жер сілкінісінен зардап шеккендер үшін келесі заттар қажет:

• шатырлар,
  
• генераторлар,
  
• жылытқыштар,
  
• көрпелер,
  
• ұйықтайтын сөмкелер.

Көмекті Астана қаласы, Жұмабек Тәшенов көшесі, 3 мекенжайы бойынша ҚР-дағы Түркия елшілігіне, сондай-ақ Алматы қаласы, Төле би көшесі, 29 мекенжайы бойынша Түркияның Алматыдағы Бас консулдығына апаруға болады.