Президент өкілі жастармен Конституцияны талқылады

Алматы қаласында Қазақстан Республикасы Президентінің Ішкі саясат мәселелері және коммуникациялар жөніндегі көмекшісі Арман Қырықбаевтың қатысуымен жастармен ашық кездесу өткен,- деп хабарлайды Оpennews.kz ақпарат агенттігі.

Президенттің көмекшісі Алматыда жастармен жаңа Конституция жобасының ережелерін талқылаған.

Кездесу барысында Жаңа Конституция жобасының негізгі ережелері, ұсынылып отырған өзгерістердің практикалық маңызы және олардың елдің одан әрі дамуына ықпалы жан-жақты талқыланды. Диалог ашық әрі мазмұнды форматта өтіп, жастарды толғандырған сауалдарға толыққанды жауап берілген.

Сондай-ақ 15- ші наурыз күні өтетін дауыс берудің маңыздылығына ерекше назар аударылған. Белсенді әрі саналы жастар өз азаматтық ұстанымын білдіруге және Қазақстанның Жаңа Конституциясы жобасын қолдауға дайын екенін көрсеткен.