Мемлекеттік қызметке үміткерлерді алдын-ала дайындау институты енгізіледі
Секторда жаңа қызмет түрлері пайда болмақ, бұл жөнінде ҚР Парламенті Сенатының депутаты Евгений Больгерт Сенаттың жалпы отырысында мәлімдеді,- деп хабарлайды Opennews.kz ақпарат агенттігі Kazinform.kz сайтына сілтеме жасап.
Басты бағыт – мемлекеттік қызметтегі ашықтық пен кәсібилікті арттыру. Үміткерлерді алдын-ала дайындау институты енгізіледі. Ол байқаудан өтпей, жұмысқа орналасуға мүмкіндік береді. Іріктеу «Е-қызмет» жүйесі арқылы жүргізіледі. Сонымен бірге, кадр қызметінің стратегиялық жоспарлау тұрғысындағы рөлі күшейтіліп жатыр. Бұдан бөлек, заңнаманы сақтау және жемқорлыққа қарсы іс-қимыл бойынша профилактикалық қызметтер құрылып жатыр, – деді ол.
Депутаттың сөзінше, тәлімгерлік институты нығайтылмақ. Мақұлданған заңда зейнет жасына жеткен тұлғалардың қызмет ету мүмкіндігін ұзарту қарастырылған. Бұл аға буынның кейінгі толқынмен тәжірибесін бөлісуіне мүмкіндік бермек.
