Түрікменстан Президенті Тоқаевқа Ашхабадта Абайға ескерткіш орнатуды ұсынды

Президент Қасым-Жомарт Тоқаевтың Түрікменстанға мемлекеттік сапары барысында осы елдің көшбасшысы Гурбангулы Бердімұхамедов Ашхабадта қазақтың ұлы ақыны Абай Құнанбайұлын ұлықтауға ұсыныс жасады- деп хабарлайды  Opennews.kz ақпарат агенттігі «Хабар 24» арнасына сілтеме жасап.

Бұл туралы Қазақстан Президентінің баспасөз хатшысы Берік Уәли өзінің Facebook-тегі прақшасында жазды.

Түрікменстан Президентінің пікірінше, Абайдың мүсіні екі халықтың жоғары адамгершілікке негізделген рухани бағдарын, сондай-ақ елдеріміз арасындағы достық пен ынтымақтастықтың шынайы көрінісін айғақтайды. Қасым-Жомарт Тоқаев бұл бастаманы толық қолдап, ризашылығын білдірді. – Абайдың қасиетті түрікмен жерінде ұлықталуы – барша қазақ халқы үшін ақжолтай жаңалық, – деді Қазақстан Президенті.