Нұрсұлтан Назарбаев: "Референдумға барамын"
359
Белгілі саясаттанушы Данияр Әшімбаев Елбасы Нұрсұлтан Назарбаевпен телефон арқылы қысқаша сұхбаттасқан,- деп хабарлайды Opennews.kz ақпарат агенттігі Экспресс К сайтына сілтеме жасап.
Тұңғыш президент саясаттанушыға берген сұхбатында алдағы 5 маусымда өтетін референдумға баратынын айтты.
Иә, 5 маусымда Конституциядағы құқығымды пайдаланып, референдумда дауыс беруге міндетті түрде қатысамын. Еліміздің негізгі заңы қатып қалған құқықтық жәдігер емес,— дейді Елбасы.
Ол Ата-заң қазақстандық қоғамның өмірін, ондағы болып жатқан өзгерістерді көрсететін өміршең тетік екенін үнемі айтып келемін. Өзгерістер бұрын да енгізілген деп айтты.
Жалпы, бұл заманның көкейкесті талабы болса, қоғамның ілгерілеуіне, демократиялық дамуына септігін тигізетін болса, Ата-заңға өзгерістер енгізуге әрбір ұрпақтың құқығы бар деп есептеймін,
— деді Нұрсұлтан Назарбаев.
— деді Нұрсұлтан Назарбаев.
