Бас бостандығы шектелген Бақауов парақшасында кезекті жазбасын жариялады
397
Павлодар облысының бұрынғы әкімі Болат Бақауов өзінің Instagram парақшасында кезекті жазба жариялады. Экс-шенеунік қазақстандықтарды Ораза айт мейрамымен құттықтаған.
"Бүгінгі таң өте ерекше. Айлардың сұлтаны Рамазаннан кейін қасиетті Айт мейрамы келіп жетті. Бұл күн ақ ниет пен мейірімділіктің, ізгілік пен адамгершіліктің мерекесі. Бір-біріне бауырмал, көршісіне кеңпейіл халықтың дархан көңілі шаттықа бөленуде.
Қасиетті айда ұстаған Ораза қабыл болып, барлық армандарыңыз орындалсын. Ел арасына алауыздық түспей, іргеміз берік болсын.
Келер жылдың Оразасына бәріміз аман-есен жетіп, жақсы күндерде жолығайық. Мамыражай мамыр айындағы әр мереке бақ-береке әкелсін. Бәріңізге амандық тілеймін", - деп жазған Бақауов.
