Ақмола облысынан құнды жәдігер табылды

Русский перевод этой статьи пока не опубликован. Ниже — оригинал на казахском языке.

Ақмола облысынан кейінгі қола дәуірінің жәдігерлері – әшекей бұйымдар мен қыш ыдыстардың қалдықтары табылды, - деп хабарлайды «Opennews.kz» ақпарат агенттігі.

Кеңөткел қонысы – Ақмола облысындағы ең үлкен қоныстардың бірі. Бұл жер сонау 1980 жылдардан бері зерттеліп келеді. Биыл маусымның 6-нан бастап, археологиялық қазба жұмыстары жүріп жатыр.

Зерттеу барысында археологтар қола дәуірі кезеңіндегі тұрмыстық заттарды тапты.

"Біз алғаш рет шағын пішінді қыш ыдыстарды таптық. Бұл кейінгі қола дәуірі. Мұнда ою-өрнектер жоқ, бірақ ерте темір дәуірінің ежелгі түркі жазбаларына ұқсас жазулар бар. Жалпы, басқа керамикалық ыдыстардағы өрнектер біздің дәуірімізге дейінгі 17-15 ғасырларда осы аймақта өмір сүрген адамдардың дүниетанымы, сенімі мен мәдениетінен хабар береді»", – деді облыстық тарихи-мәдени мұраны қорғау және пайдалану орталығының басшысы Жасұлан Үкеев.