Елімізде колледж студенттерінің шәкіртақысы көбеймек

Русский перевод этой статьи пока не опубликован. Ниже — оригинал на казахском языке.

Биылғы оқу жылынан бастап техникалық және кәсіптік білім беру ұйымдарында оқитын студенттердің шәкіртақысы ұлғаймақ, деп хабарлайды Opennews.kz ақпарат агенттігі. 


Бұл туралы "Ашық" НҚА порталында жарияланған Үкімет қаулысының жобасында жазылды.

Жұмысшы біліктіліктері бойынша оқитын колледж студенттерінің шәкіртақысы 21 787-ден 32 681 теңгеге өседі. Орта буын мамандарын даярлайтын білім беру ұйымдарында оқитын студенттер шәкіртақысы 20 948-ден 31 422-ге өседі.

Стипендияны ұлғайту бойынша бюджет қаражатын республикалық бюджет комиссиясы қолдады.