Қаз
Рус
Білім гранттарын бөлу механизмі мектептегі кәсіптік бағдарлаумен сәйкестендірілетін болды
463
Русский перевод этой статьи пока не опубликован. Ниже — оригинал на казахском языке.
Алдағы уақыттарда мемлекеттік білім гранттарын бөлу механизмі мектептегі кәсіптік бағыттау жұмыстарымен сәйкестендіріледі. Бұл туралы Ғылым және жоғары білім министрі Саясат Нұрбек мәлімдеді, деп хабарлайды Opennews.kz ақпарат агенттігі.
«Грант бөлу механизмі енді кәсіптік бағыттау жұмысымен ұштастырылады. Яғни, 7-сыныптан бастап әр өңірдің мектептерінде кәсіпттік бағыттау бойынша жұмыс істейтін педагогтер енгізіліп жатыр. Қазір пилоттық негізде Түркістан облысында 800 кәсіптік бағыттаушы дайындалды. Оның арнайы бағдарламасы да әзірленді. Бұл жоба алдағы уақытта еліміздегі барлық 7,5 мың мектепте енгізіледі. Осыған орай, балаға алдын ала еңбек нарығы және жаңа мамандықтар туралы ақпарат берілетін болады», - деді Ғылым және жоғары білім министрі.
Сонымен қатар Саясат Нұрбек енді жоғары оқу орындары мен кәсіптік білім беретін ұйымдар жаңа оқу бағдарламасын болжамсыз жасай алмайтынын айтты. Оның дерегінше, білім ордалары еңбек нарығындағы маман тапшылығы мәселесін ескеруі тиіс.
