Қазақстанда қазан айынан бастап тұмауға қарсы вакцинациялау жүргізілмек

Қазақстанда 1 қазанынан бастап тұмауға қарсы вакцинациялау жүргізілмек, - деп хабарлайды "Opennews.kz" ақпарат агенттігі.

Бас мемлекеттік санитарлық дәрігер Нұрқан Сәдуақасов эпидемияға қарсы іс-шаралар жүргізу туралы қаулыға қол қойды.

Қаулыда мына бағыттар бойынша жұмыстар жүргізілетіні айтылған:

• 1 қазаннан бастап тұмауға қарсы екпе егу;
• Медициналық ұйымдарда кіре берісте маскаларды қолдануды және антисептиктердің болуын қамтамасыз ету;
• Жіті респираторлық вирустық инфекциялар мен тұмау белгілері бар жүкті әйелдер мен бір жасқа дейінгі балаларды үйге шақыру бойынша қызмет ету;
• Мектепке дейінгі ұйымдарда күнделікті таңертеңгі тексеріс өткізу, ЖРВИ және тұмау белгілері бар балаларды анықтау.

Орта білім беру ұйымдарында: бір инкубациялық кезең ішінде бір сыныпта 20-дан 30%-ға дейінгі оқушылар арасында ЖРВИ ауруын тіркеген кезде аудиториялық оқыту жүйесін жою ұсынылады. Сыныпта науқастардың 30%-дан астамы болса, оқушылар онлайн оқытуға көшеді.