Қаз
Рус
Қасым-Жомарт Тоқаев ресми сапармен Италияға барды
Русский перевод этой статьи пока не опубликован. Ниже — оригинал на казахском языке.
Мемлекет басшысы Қасым-Жомарт Тоқаев Италияға ресми сапармен барды,- деп хабарлайды "Opennews.kz" ақпарат агенттігі.
Қазақстан президентін Рим әуежайынан Италияның қорғаныс министрі Гвидо Крозетто, Рим папасының өкілі Франческо Каналини қарсы алды. Ақорда баспасөз қызметі өкілдерінің айтуынша, мемлекет басшысын күтіп алу кезінде Құрмет қарауылы сап түзеп тұрды. Қасым-Жомарт Тоқаев ертең Италия президенті Серджо Маттарелламен, премьер-министр Джорджа Мелонимен келіссөздер жүргізеді.
Сонымен қатар Тоқаев "Қазақстан-Италия" инвестициялық дөңгелек үстеліне қатысып, бірқатар ірі компания басшыларымен кездесулер өткізуді жоспарлап отыр. Қазақстан президенті қаңтардың 19-ы Ватиканда Рим папасы Францискпен кездеседі.
