Қаз
Рус
Олжас Бектенов Smart Turmys платформасын енгізуді жеделдетуді тапсырды
Русский перевод этой статьи пока не опубликован. Ниже — оригинал на казахском языке.
Премьер-министр Олжас Бектенов Smart Turmys бірыңғай цифрлық платформасын енгізу жұмыстарын жеделдетуді тапсырды, - деп хабарлайды Opennews.kz ақпарат агенттігі.
Үкімет отырысында премьер-министр Олжас Бектенов энергетика және коммуналдық секторларға цифрлық құралдар енгізудің маңызын атап өтті.
"Энергетика және коммуналдық секторлардағы цифрлық құралдар барлық бизнес-үдерістердің ашықтығын қамтамасыз етіп, тиімділігін арттырады. Өнеркәсіп және энергетика министрліктері Smart Turmys бірыңғай цифрлық платформасын енгізу жұмыстарын жеделдетсін",— деді Олжас Бектенов.
Сондай-ақ 1 қыркүйекке дейін тұтынушылар топтары бойынша сараланған коммуналдық ресурстарды есепке алу құралдары мен бағдарламалық қамтамасыз етуге арналған бірыңғай стандарттарды қабылдау міндеті қойылды.
