Қаз
Рус
Зеленский Ресейді келіссөзге шақырды
454
Русский перевод этой статьи пока не опубликован. Ниже — оригинал на казахском языке.
Украина президенті Владимир Зеленский Ресейді соғыс қимылдарын тоқтату туралы келіссөздерге қайта шақырды, - деп хабарлайды Opennews.kz ақпарат агенттігі Tengrinews.kz сайтына сілтеме жасап.
Мәлімдеме "Украина-24" телеарнасында көрсетілген видеоүндеуде айтылды. Трансляция YouTube-та жүргізілді.
"Ресей ерте ме, кеш пе бізбен қақтығыстарды тоқтату туралы келіссөз жүргізуі керек", - деді Зеленский.
Сондай-ақ, Зеленский Ресейдің Украинаға қарсы қақтығысының тоқтамауы Батыстың Мәскеуге салған санкцияларының жеткіліксіз екенін көрсетіп отырғанын, әлем Украинада болып жатқан оқиғаларды тек алыстан бақылап отырғанын мәлімдеді, деп хабарлады Reuters.
Қорытындылай келе, Украина басшысы Ресеймен Украинаның бейтарап мәртебесі туралы мәселені талқылаудан қорықпайтынын атап өтті.
