Қызылорда облысында ірі көмірсутек қоры анықталды

Арал ойпатында жүргізілген геологиялық зерттеу нәтижесінде 1,1 млрд текше метр көмірсутек шикізатының болжамды қоры анықталды, - деп хабарлайды "Opennews.kz" ақпарат агенттігі.

Облыста мұнай өндіру көлемі үш есе азайған. Егер 2008 жылы 11,2 млн тонна мұнай өндірілсе, 2024 жылы бұл көрсеткіш 3,3 млн тоннаға дейін төмендеген. Ал 2025 жылдың алғашқы жартыжылдығында небәрі 1,5 млн тонна өндірілді, бұл өткен жылмен салыстырғанда 12,2%-ға аз.

Жаңа кен орны инвесторларға аукцион арқылы ұсынылады. Газ қоры расталса, бұл өңірге инвестиция тартып, жұмыс орындарын ашуға серпін бермек.