Қаз
Рус
Қызылордада бес баласына қатыгездік көрсеткен анаға қылмыстық іс қозғалды
Русский перевод этой статьи пока не опубликован. Ниже — оригинал на казахском языке.
Байқоңыр қаласында кәмелетке толмаған бес баласына қатыгездік танытқан 40 жастағы келіншекке қатысты қылмыстық іс қозғалды, - деп хабарлайды Opennews.kz ақпарат агенттігі.
Құзырлы органның ресми мәліметінше, жергілікті тұрғынның ата-аналық міндетін тиісінше орындамағаны үшін оған қатысты қылмыстық іс қозғау заңды деп танылған.
«Күдікті 2026 жылдың басынан бері кәмелетке толмаған бес баласының денсаулығы мен рухани-адамгершілік тәрбиесіне қамқорлық жасауға, олардың негізгі жалпы білім алуын қамтамасыз етуге міндетті болған. Алайда ол балалардың тәні мен жанына жарақат салмай, дұрыс тәрбиелеудің орнына оларға қатыгездік танытып келгені анықталды», деп мәлімдеді прокуратурадан.
Қазіргі уақытта оқиғаның барлық мән-жайын толық әрі жан-жақты анықтау мақсатында тергеу амалдары жүргізіліп жатыр.
