Қаз
Рус
Назым Қызайбай өзіне Димаш Құдайберген хат жазып жүргенін айтты
2 743
Русский перевод этой статьи пока не опубликован. Ниже — оригинал на казахском языке.
Бокстан Париж Олимпиадасының қола медаль иегері Назым Қызайбай өзіне Instagram арқылы танымал әнші Димаш Құдайберген хат жазып тұратынын айтты, - деп хабарлайды "Opennews.kz" ақпарат агенттігі.
Боксшы бұл туралы тележүргізуші Динара Сәтжанның «Late night show with Dinara Satzhan» бағдарламасында айтып берді.
Бағдарлама барысында Динара Сәтжан фотошоп арқылы Назым Қызайбайдың Димаш Құдайбергенмен бірге тұрған фотосын көрсетеді.
«Ооо, әдемі жарасады екенбіз, иә!?» - дейді Назым Қызайбай таңданысын жасырмай.
Динара Сәтжан осы орайда екеуінің құрдас екенін, алайда Назымның бір жасқа үлкен болғаны қорқынышты емес екенін айтты.
«Қорқынышты емес. Одан да кішкентай балалар жазады», - дейді боксшы қыз.
Сөзін жалғай отырып, жарыстарда жеңіске жеткенде Димаш Құдайбергеннен хат келіп тұратынын айтты.
«Димаш екеуіміз Instagram-да бір бірімізге тіркелгенбіз. Жарыстарда жеңіске жеткенде құттықтап тұрады. Мен де оның Stories-теріне анда-санда жазып тұрамын. Ал оффлайн бізде қысқы Универсиада (2017 жыл) өткенде көріскенбіз», - деді Назым Қызайбай.
