Қаз
Рус
Джеки Чанның жаңа фильмінде қазақстандық актер бой көрсетеді
2 549
Русский перевод этой статьи пока не опубликован. Ниже — оригинал на казахском языке.
Белгілі актер әрі сценарист Рүстем Омаров Джеки Чан түсіріп жатқан «Доспехи Бога: Ультиматум» атты жаңа фильмде басты кейіпкерлердің бірі ретінде бой көрсетпек,-деп хабарлайды Opennews.kz ақпарат агенттігі.
Өнер иесі қуанышты жаңалығын әлеуметтік желідегі парақшасында бөлісіп, бала күнінен кумирі болған Джеки Чанмен бір туындыда жұмыс істеудің өзіне зор мәртебе екенін айтты.
«Бала кезімде Джеки Чанның фильмдерін көріп өстім. Ал енді онымен бір жобада бірге болу — мен үшін үлкен арманның орындалуы!» – деп жазды актер.
Айта кетейік, жуырда Джеки Чан Алматыға арнайы келіп, түсірілім алаңдарын таңдап кеткен болатын. Salem Entertainment өкілдері әзірге жоба туралы толық ақпаратты құпия ұстап отыр, бірақ көрермендерді алда үлкен жаңалықтар күтіп тұрғанын мәлімдеді.
